ਸਤਵੀਰ ਬਾਜਵਾ: ਗ਼ਮ

ਤੁਸੀ ਸੋਚਦੇ ਹੋਵੋਗੇ
ਕੀ ਇਸ ਉਮਰੇ ਤਾਂ ਮੁਹੱਬਤ ਦਾ ਗ਼ਮ ਹੀ ਹੋਣਾ
ਪਰ ਨਹੀਂ
ਗ਼ਮ ਹੈ
ਉਨਾਂ ਸੱਧਰਾਂ ਦਾ
ਜੋ ਕੱਲ ਬੰਬ ਧਮਾਕੇ ਚ
ਕਤਲ ਹੋ ਗਈਆਂ,
ਹਰ ਉਸ ਕੁੜੀ ਲਈ
ਜੋ ਮਰ ਗਈ
ਜਨਮ ਤੋਂ ਪਹਿਲਾ ਹੀ
ਗ਼ਮ ਹੈ
ਉਸ ਕਿਸਾਨ ਲਈ
ਜਿਸਦੀ ਸੋਕੇ ਚ ਪਲੀ ਫਸਲ
ਹੜ੍ਹ ਨਾਲ ਰੁੜ੍ਹ ਗਈ,
ਉਨਾਂ ਲੋਕਾਂ ਲਈ
ਜੋ ਅਰਬਪਤੀਆਂ ਦੇ ਦੇਸ਼ ਚ
ਅੱਜ ਵੀ ਭੁੱਖੇ ਸੌਂ ਗਏ
ਗ਼ਮਾਂ ਦੀ ਲਿਸਟ ਲੰਬੀ ਹੈ
ਪਰ ਤੁਹਾਨੂੰ ਇਸ ਤੋਂ ਕੀ?
ਤੁਸੀ
ਕਿਸੇ ਨਿਊਜ਼ ਚੈਨਲ ਤੇ
ਧੋਨੀ ਦਾ ਧਮਾਲ
ਰਾਖੀ ਸਾਵੰਤ ਦਾ ਜਾਲ
ਜਾਂ ਫੇਰ
ਸੈਂਸਕਸ ਦਾ ਉਛਾਲ
ਵੇਖ ਕੇ ਖੁਸ਼ ਹੋਵੋ!!!

-ਸਤਵੀਰ

Post a Comment

0 Comments