Sunday, December 29, 2013

ਆਜ਼ਾਦੀ ਦੇ ਸਹੀ ਅਰਥ । ਗਗਨਦੀਪ ਸਿੰਘ

SHARE
Gagandeep Singh । ਗਗਨਦੀਪ ਸਿੰਘ
ਲਓ ਜੀ
ਅਸੀਂ ਹਾਜਰ ਹਾਂ
ਤੁਹਾਡੇ ਮੁਜਰਿਮ, ਤੁਹਾਡੇ ਗੁਨਾਹਗਾਰ
ਸਾਥੋਂ ਹੀ ਕਤਲ ਹੋਈਆਂ ਨੇ ਉਹ ਆਸਾਂ,
ਜੋ ਗ਼ੁਲਾਮ ਭਾਰਤ ਦੇ ਆਜ਼ਾਦ ਯੋਧਿਆਂ ਦੇ
ਮਨਾਂ ਵਿੱਚ ਪੁੰਗਰੀਆਂ ਸਨ,
ਅਸੀ ਹੀ ਗਲਾ ਘੋਟਿਆ ਏ ਉਨ੍ਹਾਂ ਇੱਛਾਵਾਂ ਦਾ
ਜਿਨ੍ਹਾਂ ਦੀਆਂ ਮਚਦੀਆਂ ਲਾਟਾਂ ’ਤੇ
ਭਾਰਤ ਮਾਤਾ ਦੇ ਸਪੂਤਾਂ ਨੂੰ
ਬਰਤਾਨਵੀ ਸਰਕਾਰ ਨੇ ਬਲੀ ਚਾੜ੍ਹ ਦਿੱਤਾ ਸੀ,
ਅਸੀਂ ਹੀ ਘਾਣ ਕੀਤਾ ਏ ਉਨ੍ਹਾਂ ਨਾਅਰਿਆਂ ਦਾ,
ਜੋ ਸਾਡੇ ਦਿਲਾਂ ਵਿੱਚੋ ਤਾਂ ਬੜੇ ਜੋਸ਼ ਨਾਲ ਨਿਕਲਦੇ ਨੇ,
ਪਰ ਜ਼ੁਬਾਨ ’ਤੇ ਪਹੁੰਚਣ ਤੋਂ ਪਹਿਲਾਂ
ਸਾਡੇ ਮਰ ਚੁੱਕੇ ਜ਼ਮੀਰ ਦੀ ਕਬਰ ਵਿੱਚ ਦਫ਼ਨ ਹੋ ਜਾਂਦੇ ਨੇ,
ਤੁਸੀਂ ਸਾਡੇ ’ਤੇ ਮੁਕੱਦਮੇ ਨਾ ਚਲਾਓ,
ਸਾਨੂੰ ਰਹਿਮ ਦੀ ਨਿਗ੍ਹਾ ਨਾਲ ਨਾ ਵੇਖੋ,
ਸਾਨੂੰ ਜੇਲ੍ਹਾਂ ਵਿੱਚ ਵਿਹਲਿਆਂ ਬਿਠਾ ਕੇ ਨਾ ਖਵਾਓ,
ਸਾਨੂੰ ਤਾਂ ਚਾਹੀਦੀ ਏ ‘ਸਿੱਧ ਪੱਧਰੀ’ ਆਜ਼ਾਦੀ,
ਜੋ ਅੰਬਰਾਂ ਦੀ ਹਿੱਕ ਚੀਰ ਕੇ
ਸੂਰਜ ਦੀਆਂ ਕਿਰਨਾਂ ਵਾਂਗ
ਸਾਡੇ ਜਿਸਮਾਨੀ ਦੁਆਰ ਤੋਂ ਹੁੰਦੀ ਹੋਈ
ਸਾਡੀਆਂ ਰੂਹਾਂ ਤੱਕ ਪਹੁੰਚ ਜਾਵੇ
ਹੁਣ ਅਸੀ ਅੰਬਰਾਂ ’ਤੇ ਨਹੀ ਉੱਡਣਾ,
ਸਾਨੂੰ ਤਾਂ ਅਜ਼ਾਦ ਧਰਤੀ ਦਾ ਉਹ ਟੁਕੜਾ ਚਾਹੀਦਾ ਏ
ਜਿਸ ’ਤੇ ਬੀਜਿਆ ਹਰ ਬੀਜ
ਫੁੱਲ ਬਣਨ ਤੱਕ ਦਾ ਸਫਰ
ਸਿਰਫ ਮਹਿਕਾਂ ਵੰਡਣ ਲਈ ਕਰੇ
ਧਰਮ ਜਾਂ ਜ਼ਾਤ ਦਾ ਰੁਤਬਾ ਪੁੱਛਣ ਲਈ ਨਹੀ,
ਜਿੱਥੇ ਪਸੀਨਾ ਸੁੱਕਣ ਤੋਂ ਪਹਿਲਾਂ ਇਸ ਦਾ ਹੱਕ ਅਦਾ ਹੋ ਜਾਵੇ,
ਤੇ ਗਰੀਬ ਅੱਖ ਦਾ ਉਨੀਂਦੀ ਰਾਤ ਦਾ ਸੁਪਨਾ
‘ਮੋਤੀਆ ਬਿੰਦ’ ਵਿੱਚ ਤਬਦੀਲ ਹੋਣ ਤੋਂ ਪਹਿਲਾਂ
ਹਕੀਕਤ ਬਣ ਜਾਵੇ,
ਤੇ ਜੇ ਕਿਧਰੇ ਇਹ ਅਜ਼ਾਦੀ ਸਾਡੇ ਨਸੀਬਾਂ ਵਿੱਚ ਨਹੀਂ
ਤਾਂ ਸਾਨੂੰ ਸ਼ਹੀਦ ਹੋਣ ਦਾ ਰੁਤਬਾ ਦਿਓ
ਫਿਰ ਅਸੀਂ ਭਲਾ ਜਿਸਮਾਂ ਦੀ ਕੈਦ ਵੀ ਕਿਉਂ ਕੱਟੀਏ?

-ਗਗਨਦੀਪ ਸਿੰਘ, ਬਸੀ ਪਠਾਣਾਂ, ਜ਼ਿਲਾ ਫਤਹਿਗੜ੍ਹ ਸਾਹਿਬ
SHARE

Author: verified_user

0 ਪਾਠਕਾਂ ਦੇ ਵਿਚਾਰ:

ਸੰਵਾਦ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਦੀ ਕਦੇ ਨਾ ਰੁਕਣ ਵਾਲੀ ਪ੍ਰਕਿਰਿਆ ਹੈ। ਅਸੀ ਸੰਵਾਦ ਸ਼ੁਰੂ ਕਰਨ ਦੀ ਪਹਿਲ ਕਦਮੀ ਕਰ ਦਿੱਤੀ ਹੈ, ਇਸ ਨੂੰ ਜਾਰੀ ਰੱਖਣ ਲਈ ਤੁਸੀ ਆਪਣੇ ਵਿਚਾਰ ਦੇ ਦੋ ਕਦਮ ਸਾਡੇ ਨਾਲ ਤੁਰਦੇ ਜਾਓ...

ਟਿੱਪਣੀ ਕਰਨ ਦਾ ਤਰੀਕਾ
1. ਆਪਣੀ ਟਿੱਪਣੀ ਹੇਠ ਲਿਖੇ ਡੱਬੇ ਵਿਚ ਲਿਖੋ।
2. ਡੱਬੇ ਦੇ ਥੱਲੇ ਦਿੱਤੇ Comment as : Select Profile ਵਾਲੇ ਖਾਨੇ ਵਿਚੋਂ ਆਪਣਾ ਅਕਾਊਂਟ ਚੁੱਣੋ ਜਾਂ ਫ਼ਿਰ Name/URL ਚੁਣੋ।
3. ਜੇ ਤੁਸੀ Name/URL ਚੁਣਿਆ ਹੈ ਤਾਂ Name ਵਾਲੇ ਖਾਨੇ ਵਿਚ ਆਪਣਾ ਨਾਮ ਭਰੋ ਅਤੇ URL ਵਾਲੇ ਖਾਨੇ ਵਿਚ ਆਪਣੀ ਵੈੱਬਸਾਈਟ ਜਾਂ ਈ-ਮੇਲ ਪਤਾ ਭਰੋ (ਜੇ ਵੈੱਬਸਾਈਟ/ਈ-ਮੇਲ ਨਾ ਹੋਵੇ ਤਾਂ ਉਸ ਖਾਨੇ ਨੂੰ ਖਾਲੀ ਛੱਡ ਦੇਵੋ)।
4. ਜੇ ਤੁਸੀ ਬੇਨਾਮੀ ਟਿੱਪਣੀ ਕਰਨਾ ਚਾਹੁੰਦੇ ਹੋ ਤਾਂ Anonymous ਚੁਣੋ
5. ਇਸ ਤੋਂ ਬਾਅਦ Post Comment Button 'ਤੇ ਕਲਿੱਕ ਕਰੋ।

ਨੋਟ: ਜੇ ਤੁਸੀ ਅਕਾਊਂਟ Name/URL ਜਾਂ Anonymous ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਚੁਣਿਆ ਹੈ ਤਾਂ Post Comment Button 'ਤੇ ਕਲਿੱਕ ਕਰਨ ਤੋਂ ਬਾਅਦ ਤੁਹਾਡੇ ਚੁਣੇ ਹੋਏ ਅਕਾਊਂਟ ਦਾ ਲੋਗਿਨ ਪੇਜ਼ ਆ ਜਾਵੇਗਾ। ਉਸ ਵਿਚ ਆਪਣਾ ਯੂਜ਼ਰਨੇਮ/ਪਾਸਵਰਡ ਭਰ ਕੇ ਲੌਗਿਨ ਕਰੋ। ਤੁਹਾਡੀ ਟਿੱਪਣੀ ਦਰਜ ਹੋ ਜਾਵੇਗੀ ਅਤੇ ਤੁਰੰਤ ਸਾਹਮਣੇ ਨਜ਼ਰ ਆ ਜਾਵੇਗੀ।

ਪੰਜਾਬੀ ਬਲੌਗ ਅਪਡੇਟ

ਪਿਛਲੇ 24 ਘੰਟਿਆਂ ਵਿਚ ਪੰਜਾਬੀ ਬਲੌਗਾਂ ਤੇ ਲਿਖੀਆਂ ਗਈਆਂ ਰਚਨਾਵਾਂ ...ਹੋਰ ਪੰਜਾਬੀ ਬਲੌਗ ਦੇਖਣ ਲਈ ਇੱਥੇ ਕਲਿੱਕ ਕਰੋ
ਜੇਕਰ ਤੁਸੀ ਵੀ ਆਪਣਾ ਬਲੋਗ ਜਾਂ ਵੈੱਬਸਾਈਟ ਲਫ਼ਜ਼ਾਂ ਦਾ ਪੁਲ ਨਾਲ ਜੋੜਨਾ ਚਾਹੁੰਦੇ ਹੋ ਤਾਂ ਉਸਦਾ ਲਿੰਕ ਸਾਨੂੰ ਭੇਜੋ।