Tuesday, November 12, 2013

ਸਮੇਂ ਦੀ ਸਰਕਾਰ ਦੇ ਨਾਂ । ਗਗਨਦੀਪ ਸਿੰਘ

SHARE
ਮੈਂ
ਤੇਰੇ ਆਜ਼ਾਦ ਦੇਸ਼ ਦਾ
ਉਹ ਗੁਲਾਮ ਨਾਗਰਿਕ ਹਾਂ
ਜਿਸ ਦੀ ਆਜ਼ਾਦੀ ਦੀ ਚਾਦਰ
ਤੇਰੇ ਤਿੱਖੇ ਤੇ ਝੂਠੇ ਵਾਦਿਆਂ ਨਾਲ
ਥਾਂ-ਥਾਂ ਤੋਂ ਘਸ ਕੇ ਛਾਨਣੀ ਬਣ ਚੁੱਕੀ ਹੈ,
ਤੇਰੇ ਚੋਣਾਂ ਵੇਲੇ ਕੀਤੇ ਵਾਦਿਆਂ ਦੀ ਪੰਡ ਚੁੱਕ ਕੇ ਤੁਰਦੇ ਦੇ
ਹੁਣ ਮੇਰੇ ਗੋਡਿਆਂ ਦੀ ਚਰਮਰਾਹਟ ਕੁੱਲ ਲੋਕਾਈ ਨੂੰ ਸੁਣਦੀ ਏ
ਤੇ ਮੇਰੀਆਂ ਅੱਖਾਂ ਅੱਜ ਤੱਕ ਤੇਰੇ ਵਿਖਾਏ ਹੋਏ ਖਾਬਾਂ ਦੀ ਤਾਸੀਰ ਦੇ ਧੁੰਦਲੇ ਦ੍ਰਿਸ਼ ਪਛਾਣ ਨਹੀ ਸਕੀਆਂ,
ਹੁਣ ਮੈਂ ਆਪਣੇ ਹਾਲਾਤਾਂ ਵਿੱਚ,
ਜੋ ਦਿਨੋ ਦਿਨ ਬਦ ਤੋਂ ਬਦਤਰ ਹੁੰਦੇ ਜਾ ਰਹੇ ਨੇ,
ਛਟਪਟਾਉਂਦਾ ਨਹੀ ਹਾਂ
ਹੁਣ ਮੈਂ ਸੁਪਨੇ ਵਿੱਚ ਵੀ ਆਪਣੀ ਇਸ ਲੀਰੋ ਲੀਰ ਆਜ਼ਾਦੀ ਨੂੰ ਸਿਊਣ ਦੀ ਕੋਸ਼ਿਸ਼ ਨਹੀਂ ਕਰਦਾ,
ਖਬਰੇ ਕਿਉਂ ਹੁਣ ਮੈਂ ਤੇਰੇ ਜ਼ੁਲਮ ਸਹਿਣ ਦਾ,
ਜ਼ੁਲਮਾਂ ਨੂੰ ਸਹਿਦੇਂ ਹੋਏ ਚੁੱਪ ਰਹਿਣ ਦਾ,
ਤੇ ਚੁੱਪ ਰਹਿੰਦੇ ਹੋਏ ਤੇਰੇ ਨਾਲ ਨਾ ਖਹਿਣ ਦਾ ਆਦੀ ਹੋ ਗਿਆ ਹਾਂ,
ਮੈਂ ਜਾਣਦਾ ਹਾਂ ਕਿ ਹੁਣ ਮੈਂ ਆਪਣੇ ਬਜ਼ੁਰਗਾਂ ਦੇ ਪਦ ਚਿੰਨ੍ਹਾਂ ਤੇ
ਤੁਰਣ ਤੋਂ ਪਹਿਲਾਂ ਹੀ ਮਾਰ ਦਿੱਤਾ ਜਾਵਾਂਗਾ
ਤੇ ਮੈਨੂੰ ਮਾਰਣ ਵਾਲੀ ਕੋਈ ਵਿਦੇਸ਼ੀ ਤਾਕਤ ਨਹੀ ਹੋਵੇਗੀ,
ਜਿਸ ਨੂੰ 'ਸਾਇਮਨ ਕਮਿਸ਼ਨ' ਜਾਂ 'ਚਾਰਟਰ ਐਕਟ' ਪਾਸ ਕਰਨ ਦੀ ਜ਼ਰੂਰਤ ਹੈ,
ਹੁਣ ਤਾਂ ਮੇਰੀ ਆਪਣੀ 'ਵਾੜ' ਮੈਨੂੰ ਐਸੇ ਸ਼ਿਕੰਜੇ ਵਿੱਚ ਕੱਸੇਗੀ
ਕਿ ਮੇਰਾ ਅਖੀਰਲਾ ਸਾਹ ਮੇਰੇ ਸੰਘ ਵਿੱਚ ਹੀ ਦਮ ਤੋੜ ਦੇਵੇਗਾ
ਤੇ ਮੇਰਾ ਕਤਲ,                                                   
ਜਿਸ ਨੂੰ ਸ਼ਾਇਦ ਮੇਰੇ ਮੁਰੀਦ ਕੁਰਬਾਨੀ ਕਹਿ ਦੇਣ                
ਤੇਰੀਆਂ ਫਾਇਲਾਂ ਹੇਠ ਇੰਝ ਦੱਬਿਆ ਜਾਵੇਗਾ
ਜਿਵੇਂ ਢਲਦੀ ਹੋਈ ਸ਼ਾਮ ਸੂਰਜ ਨੂੰ ਖਾ ਕੇ
ਦੂਰ
ਦਿਸਹੱਦੇ ਤੱਕ ਹਨੇਰਾ ਫੈਲਾ ਦਿੰਦੀ ਹੈ।

-ਗਗਨਦੀਪ ਸਿੰਘ, ਬਸੀ ਪਠਾਣਾਂ, ਫਤਹਿਗੜ੍ਹ ਸਾਹਿਬ
SHARE

Author: verified_user

0 ਪਾਠਕਾਂ ਦੇ ਵਿਚਾਰ:

ਸੰਵਾਦ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਦੀ ਕਦੇ ਨਾ ਰੁਕਣ ਵਾਲੀ ਪ੍ਰਕਿਰਿਆ ਹੈ। ਅਸੀ ਸੰਵਾਦ ਸ਼ੁਰੂ ਕਰਨ ਦੀ ਪਹਿਲ ਕਦਮੀ ਕਰ ਦਿੱਤੀ ਹੈ, ਇਸ ਨੂੰ ਜਾਰੀ ਰੱਖਣ ਲਈ ਤੁਸੀ ਆਪਣੇ ਵਿਚਾਰ ਦੇ ਦੋ ਕਦਮ ਸਾਡੇ ਨਾਲ ਤੁਰਦੇ ਜਾਓ...

ਟਿੱਪਣੀ ਕਰਨ ਦਾ ਤਰੀਕਾ
1. ਆਪਣੀ ਟਿੱਪਣੀ ਹੇਠ ਲਿਖੇ ਡੱਬੇ ਵਿਚ ਲਿਖੋ।
2. ਡੱਬੇ ਦੇ ਥੱਲੇ ਦਿੱਤੇ Comment as : Select Profile ਵਾਲੇ ਖਾਨੇ ਵਿਚੋਂ ਆਪਣਾ ਅਕਾਊਂਟ ਚੁੱਣੋ ਜਾਂ ਫ਼ਿਰ Name/URL ਚੁਣੋ।
3. ਜੇ ਤੁਸੀ Name/URL ਚੁਣਿਆ ਹੈ ਤਾਂ Name ਵਾਲੇ ਖਾਨੇ ਵਿਚ ਆਪਣਾ ਨਾਮ ਭਰੋ ਅਤੇ URL ਵਾਲੇ ਖਾਨੇ ਵਿਚ ਆਪਣੀ ਵੈੱਬਸਾਈਟ ਜਾਂ ਈ-ਮੇਲ ਪਤਾ ਭਰੋ (ਜੇ ਵੈੱਬਸਾਈਟ/ਈ-ਮੇਲ ਨਾ ਹੋਵੇ ਤਾਂ ਉਸ ਖਾਨੇ ਨੂੰ ਖਾਲੀ ਛੱਡ ਦੇਵੋ)।
4. ਜੇ ਤੁਸੀ ਬੇਨਾਮੀ ਟਿੱਪਣੀ ਕਰਨਾ ਚਾਹੁੰਦੇ ਹੋ ਤਾਂ Anonymous ਚੁਣੋ
5. ਇਸ ਤੋਂ ਬਾਅਦ Post Comment Button 'ਤੇ ਕਲਿੱਕ ਕਰੋ।

ਨੋਟ: ਜੇ ਤੁਸੀ ਅਕਾਊਂਟ Name/URL ਜਾਂ Anonymous ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਚੁਣਿਆ ਹੈ ਤਾਂ Post Comment Button 'ਤੇ ਕਲਿੱਕ ਕਰਨ ਤੋਂ ਬਾਅਦ ਤੁਹਾਡੇ ਚੁਣੇ ਹੋਏ ਅਕਾਊਂਟ ਦਾ ਲੋਗਿਨ ਪੇਜ਼ ਆ ਜਾਵੇਗਾ। ਉਸ ਵਿਚ ਆਪਣਾ ਯੂਜ਼ਰਨੇਮ/ਪਾਸਵਰਡ ਭਰ ਕੇ ਲੌਗਿਨ ਕਰੋ। ਤੁਹਾਡੀ ਟਿੱਪਣੀ ਦਰਜ ਹੋ ਜਾਵੇਗੀ ਅਤੇ ਤੁਰੰਤ ਸਾਹਮਣੇ ਨਜ਼ਰ ਆ ਜਾਵੇਗੀ।

ਪੰਜਾਬੀ ਬਲੌਗ ਅਪਡੇਟ

ਪਿਛਲੇ 24 ਘੰਟਿਆਂ ਵਿਚ ਪੰਜਾਬੀ ਬਲੌਗਾਂ ਤੇ ਲਿਖੀਆਂ ਗਈਆਂ ਰਚਨਾਵਾਂ ...ਹੋਰ ਪੰਜਾਬੀ ਬਲੌਗ ਦੇਖਣ ਲਈ ਇੱਥੇ ਕਲਿੱਕ ਕਰੋ
ਜੇਕਰ ਤੁਸੀ ਵੀ ਆਪਣਾ ਬਲੋਗ ਜਾਂ ਵੈੱਬਸਾਈਟ ਲਫ਼ਜ਼ਾਂ ਦਾ ਪੁਲ ਨਾਲ ਜੋੜਨਾ ਚਾਹੁੰਦੇ ਹੋ ਤਾਂ ਉਸਦਾ ਲਿੰਕ ਸਾਨੂੰ ਭੇਜੋ।