Home » , , , , » ਸਕੂਟਰ: ਬਲਵਿੰਦਰ ਸਿੰਘ

ਸਕੂਟਰ: ਬਲਵਿੰਦਰ ਸਿੰਘ

Written By Editor on Monday, June 27, 2011 | 17:52



ਚੋਥੀ ਜਮਾਤ 'ਚ ਪੜਦੀ ਬੇਟੀ ਨੂੰ 
ਜਦੋਂ ਸਾਇਕਲ ਦੇ ਡੰਡੇ ਤੇ ਬਿਠਾ ਕੇ 
ਸਕੂਲ ਛਡਣ ਜਾਂਦਾ ..
ਤਾਂ ਉਹ ਰੋਜ ਸਵਾਲ ਕਰਦੀ ਏ
ਪਾਪਾ ਜੀ ਅਸੀਂ ਸ੍ਕੂਟਰ ਕਦੋਂ ਲੈਣਾ ?
ਜਦੋਂ ਵਾਪਸ ਮੁੜਦਾ ਹਾਂ
ਤਾਂ ਅਖਾਂ 'ਚ ਬਣਦੇ ਨੇ 
ਸੈਕੰਡ ਹੈਂਡ ਸਕੂਟਰਾਂ ਦੇ ਖਾਕੇ

ਕੰਨਾ ਚ ਵੱਜਦੇ ਨੇ 
ਫਟੇ ਸਲਾਂਸਰ ਦੇ ਪਟਾਕੇ

ਪਰ ਖੀਸੇ 'ਚ ਛਣਕਦੇ ਡਊਏ 
ਕਹਿੰਦੇ,

ਔਕਾਤ 'ਚ ਰਹਿ
ਘਰ ਜਾ ਕੇ ਬਾਪੂ ਤੋਂ ਪੁੱਛਿਆ 
ਬਾਪੂ ਆਪਾ ਵੀ ਇਕ ਪੁਰਾਣਾ ਜਿਹਾ ਸਕੂਟਰ ਲੈ ਲਈਏ ?
ਆਣ ਜਾਣ ਦੀ ਮੌਜ ਹੋ ਜਾਣੀ 
ਲੈ ਲੈ ਪੁਤਰ ਲੈ ਲੈ
ਪਰ ਇਹ ਦੱਸ ਵੇਚਣਾ ਕੌਣ ਐ ? 
ਮੈਨੂੰ ਕਿ ਮਾਂ ਨੂੰ?

ਇਹੋ ਸਵਾਲ ਬੇਬੇ ਤੋਂ ਵੀ ਪੁਛਿਆ 
ਲੈ ਲੈ ਪੁਤਰ ਲੈ ਲੈ
ਘਰ-ਬਾਰ ਵੇਚਦੇ
ਸਕੂਟਰ ਲੈ ਲੈ 
ਤੂੰ ਕਰ ਮੌਜ 
ਤੇ ਸਾਨੂੰ ਲੈ ਦੇ 
ਇਕ ਸਲਫਾਸ ਦੀ ਡੱਬੀ
ਅੰਤ ਅੰਦਰ ਵੜਕੇ ਬਹਿ ਗਿਆਂ


ਸੋਚੀਂ ਪੈ ਗਿਆਂ
ਇਹੋ ਸਵਾਲ ਬੈਂਕ ਦੀ ਕਾਪੀ ਤੋਂ ਵੀ ਪੁੱਛਿਆ 
ਇਕ ਮਿੱਤਰ ਜਮਾਤੀ ਤੋਂ ਵੀ ਪੁੱਛਿਆ
ਤਾਏ ਗੁਲਾਬੇ ਤੋਂ ਵੀ ਪੁੱਛਿਆ
ਗੁਰਦੁਆਰੇ ਦੇ ਬਾਬੇ ਤੋਂ ਵੀ ਪੁੱਛਿਆ
ਠੇਕੇ ਦੇ ਕਰਿੰਦੇ ਤੋਂ ਵੀ ਪੁੱਛਿਆ
ਸੰਦੂਕ ਦੇ ਜਿੰਦੇ ਤੋਂ ਵੀ ਪੁੱਛਿਆ
ਮਨਪਸੰਦ ਕਿਤਾਬਾਂ ਤੋਂ ਵੀ ਪੁੱਛਿਆ
ਭਾਂਤ ਭਾਂਤ ਦੀਆਂ ਸ਼ਰਾਬਾ ਤੋਂ ਵੀ ਪੁੱਛਿਆ
ਖੇਤਾਂ 'ਚ ਖੜੇ ਪੀਲੇ ਪੀਲੇ ਝੋਨੇ ਤੋਂ ਵੀ ਪੁੱਛਿਆ 
ਆੜਤੀ ਦੇ ਮੁੰਡੇ ਘੋਨੇ ਤੋਂ ਵੀ ਪੁੱਛਿਆ 
ਹੱਥਾਂ ਦੀਆਂ ਲਕੀਰਾ ਤੋਂ ਵੀ ਪੁੱਛਿਆ
ਗੁਰੂਆਂ ਦੀਆਂ ਤਸਵੀਰਾਂ ਤੋਂ ਵੀ ਪੁੱਛਿਆ
ਕੋਈ ਜਵਾਬ ਨੀ
ਅੰਤ
ਇਕ ਸਿਰ ਦਰਦ ਦੀ ਗੋਲੀ ਖਾ ਕੇ ਸੌਂ ਗਿਆ 
'ਬਾਹਰੋ ਆਵਾਜ ਆਈ ਕੁੜੀ ਨੂੰ ਸਕੂਲੋਂ ਲੈ ਆਓ
ਛੁੱਟੀ ਦਾ ਵੇਲਾ ਹੋ ਗਿਆ'

ਅੱਜ ਬੇਟੀ ਨੂੰ ਸਕੂਲੋਂ ਲਿਆਣੋ ਵੀ ਡਰਦਾ ਹਾਂ 
ਜਾਂਦਾ ਜਾਂਦਾ 
ਤੁਹਾਨੂੰ

ਵਿਦਵਾਨਾਂ,ਬੁਧੀਜੀਵੀਆਂ ਨੂੰ ਵੀ
ਇਹੋ ਸਵਾਲ ਕਰਦਾਂ ਹਾਂ
ਕਿ ਇੱਕ ਸਾਧਾਰਨ ਕਿਸਾਨ ਨੇ
ਸਕੂਟਰ ਕਦੋਂ ਲੈਣਾ ਹੁੰਦੈ???


-ਬਲਵਿੰਦਰ ਸਿੰਘ
Share this article :

Post a Comment

ਸੰਵਾਦ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਦੀ ਕਦੇ ਨਾ ਰੁਕਣ ਵਾਲੀ ਪ੍ਰਕਿਰਿਆ ਹੈ। ਅਸੀ ਸੰਵਾਦ ਸ਼ੁਰੂ ਕਰਨ ਦੀ ਪਹਿਲ ਕਦਮੀ ਕਰ ਦਿੱਤੀ ਹੈ, ਇਸ ਨੂੰ ਜਾਰੀ ਰੱਖਣ ਲਈ ਤੁਸੀ ਆਪਣੇ ਵਿਚਾਰ ਦੇ ਦੋ ਕਦਮ ਸਾਡੇ ਨਾਲ ਤੁਰਦੇ ਜਾਓ...

ਟਿੱਪਣੀ ਕਰਨ ਦਾ ਤਰੀਕਾ
1. ਆਪਣੀ ਟਿੱਪਣੀ ਹੇਠ ਲਿਖੇ ਡੱਬੇ ਵਿਚ ਲਿਖੋ।
2. ਡੱਬੇ ਦੇ ਥੱਲੇ ਦਿੱਤੇ Comment as : Select Profile ਵਾਲੇ ਖਾਨੇ ਵਿਚੋਂ ਆਪਣਾ ਅਕਾਊਂਟ ਚੁੱਣੋ ਜਾਂ ਫ਼ਿਰ Name/URL ਚੁਣੋ।
3. ਜੇ ਤੁਸੀ Name/URL ਚੁਣਿਆ ਹੈ ਤਾਂ Name ਵਾਲੇ ਖਾਨੇ ਵਿਚ ਆਪਣਾ ਨਾਮ ਭਰੋ ਅਤੇ URL ਵਾਲੇ ਖਾਨੇ ਵਿਚ ਆਪਣੀ ਵੈੱਬਸਾਈਟ ਜਾਂ ਈ-ਮੇਲ ਪਤਾ ਭਰੋ (ਜੇ ਵੈੱਬਸਾਈਟ/ਈ-ਮੇਲ ਨਾ ਹੋਵੇ ਤਾਂ ਉਸ ਖਾਨੇ ਨੂੰ ਖਾਲੀ ਛੱਡ ਦੇਵੋ)।
4. ਜੇ ਤੁਸੀ ਬੇਨਾਮੀ ਟਿੱਪਣੀ ਕਰਨਾ ਚਾਹੁੰਦੇ ਹੋ ਤਾਂ Anonymous ਚੁਣੋ
5. ਇਸ ਤੋਂ ਬਾਅਦ Post Comment Button 'ਤੇ ਕਲਿੱਕ ਕਰੋ।

ਨੋਟ: ਜੇ ਤੁਸੀ ਅਕਾਊਂਟ Name/URL ਜਾਂ Anonymous ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਚੁਣਿਆ ਹੈ ਤਾਂ Post Comment Button 'ਤੇ ਕਲਿੱਕ ਕਰਨ ਤੋਂ ਬਾਅਦ ਤੁਹਾਡੇ ਚੁਣੇ ਹੋਏ ਅਕਾਊਂਟ ਦਾ ਲੋਗਿਨ ਪੇਜ਼ ਆ ਜਾਵੇਗਾ। ਉਸ ਵਿਚ ਆਪਣਾ ਯੂਜ਼ਰਨੇਮ/ਪਾਸਵਰਡ ਭਰ ਕੇ ਲੌਗਿਨ ਕਰੋ। ਤੁਹਾਡੀ ਟਿੱਪਣੀ ਦਰਜ ਹੋ ਜਾਵੇਗੀ ਅਤੇ ਤੁਰੰਤ ਸਾਹਮਣੇ ਨਜ਼ਰ ਆ ਜਾਵੇਗੀ।

 
Support : Creating Website | Johny Template | Mas Template
Copyright © 2011. ਲਫ਼ਜ਼ਾਂ ਦਾ ਪੁਲ - All Rights Reserved
Template Created by Creating Website Published by Mas Template
Proudly powered by Blogger