Home » , , , , » ਮੌਸਮ ਦਿਲ ਦਾ: ਚਰਨਜੀਤ ਮਾਨ

ਮੌਸਮ ਦਿਲ ਦਾ: ਚਰਨਜੀਤ ਮਾਨ

Written By Editor on Thursday, August 26, 2010 | 09:57

ਸ਼ਾਮ-ਹਵਾ ਸੁੰਨ ਚੁਪ ਦਾ ਨਗਮਾ
ਦੁਖ ਦਾ ਸਾਇਆ ਸੁਰ ਨਾ ਹੋਇਆ
ਦਿਲ ਦਾ ਬੋਝ ਨਾ ਹਲਕਾ ਹੋਇਆ

ਲਹਿਰਾਂ ਸੰਗ ਪੱਥਰ ਤੇ ਬੈਠਾ
ਜ਼ਖਮਾਂ ਦੀ ਡੁੰਘਾਈ ਮਿਣਦਾ
ਦਿਲ ਵਿਚ ਖੁੱਭੇ ਕੰਡੇ ਗਿਣਦਾ

ਧੜਕਣ ਦੇ ਰੰਗ ਫਿੱਕੇ ਪੈਂਦੇ
ਵਕਤ-ਹਵਾਵਾਂ ਵਿਚ ਦਿਲ ਰੁੜਿਆ
ਯਾਦ ਪੁਰਾਣੀ ਲੈ ਕੇ ਉੜਿਆ

ਮਾਜ਼ੀ ਦੀ ਬੁੱਕਲ ਰਾਹਤ ਹੈ
ਵਰਤਮਾਨ ਦੀ ਰਾਤ ਹਨੇਰੀ
ਮੁਸਤਕਬਿਲ ਇਕ ਸੋਚ ਡੁੰਘੇਰੀ

ਦਿਵਸ-ਸਿਵਾ ਰੰਗ-ਰੰਗ ਬਲਦਾ ਹੈ
ਲਹਿੰਦੇ ਅੱਖੀਂ ਮੂਕ ਵਿਦਾਈ
ਪੌਣਾਂ ਧਾ ਗਲਵਕੜੀ ਪਾਈ

ਤਨਹਾਈ ਧੁਰ ਹੱਡਾਂ ਤਾਂਈ
ਸੋਚ ਬਿਰਖ ਦੇ ਪੱਤੀਂ ਛਾ ਗਈ
ਘੋਰ ਉਦਾਸੀ ਰੰਗ ਨੂੰ ਖਾ ਗਈ

ਧੁੰਦਾਂ ਵਿਚ ਇਕ ਚਿਹਰਾ ਉੱਗਿਆ
ਰਾਤਾਂ ਅੰਬਰੀਂ ਚੰਦ ਨਿਕਲਿਆ
ਹੁਸਨਾਂ ਦੇ ਜਜ਼ਬੇ ਵਿਚ ਢਲਿਆ

ਅੰਮ੍ਰਿਤ ਕਿਰਨਾਂ ਸ਼ੋਖ ਸੁਨੇਹਾ
ਸੀਨੇ ਤੋਂ ਵਲਵਲਾ ਹੈ ਫੁਟਿਆ
ਤਾਰੇ ਦੀ ਅੱਖ ਬਣ ਨਭ ਰੁਕਿਆ

ਰੂਹਾਨੀ ਇਕ ਵਜਦ ਥਿਆਇਆ
ਸਾਹਾਂ ਨੇ ਸੰਦਲ ਸੰਜੋਇਆ
ਰੂਹ ਨੇ ਨਾਦ ਸਪਰਸ਼ ਜੋ ਪਾਇਆ

ਰੂਹ ਦਾ ਅਪਣੇ ਵਿਚ ਖੋ ਜਾਣਾ
ਸੱਚ ਇਬਾਰਤ ਦਾ ਹੋ ਜਾਣਾ
ਕੁਦਰਤ ਸੰਗ ਇਕ-ਮਿਕ ਹੋ ਜਾਣਾ

ਚੁਪ -ਕੰਪਣ ਦਾ ਹੜ ਰੁਕਿਆ ਹੈ
ਬੁੱਲ੍ਹਾਂ ਉੱਤੇ ਨਾਦ ਨਾ ਥੀਂਦੇ
ਸ਼ਬਦ ਅਬੋਲ ਨੇ ਸਾਫ ਸੁਣੀਂਦੇ

ਗੈਬੀ ਹੱਥਾਂ ਤਨ ਨੂੰ ਟੋਹਿਆ
ਰੂਹ ਅੰਦਰ ਝਰਨਾਹਟ ਉੱਠੀ
ਹੋਂਦ ਗਵਾਚੀ ਫਿਰ ਤੋਂ ਉੱਠੀ

ਦੂਰ ਦਿਸ਼ਾਵਾਂ ਦੀ ਹੱਦ ਉੱਤੇ
ਜਗਦਾ ਇਕ ਮੁਸਕਾਨ ਇਸ਼ਾਰਾ
ਸ਼ਾਮਲ ਧੁਨ ਵਿਚ ਤਾਰਾ ਤਾਰਾ
ਰੂਹਾਂ ਦਾ ਭਰਪੂਰ ਸਹਾਰਾ
ਖਿੜਿਆ ਦਿਲ ਦਾ ਫੁੱਲ ਦੋਬਾਰਾ
Share this article :

+ ਪਾਠਕਾਂ ਦੇ ਵਿਚਾਰ + 2 ਪਾਠਕਾਂ ਦੇ ਵਿਚਾਰ

August 27, 2010 at 12:48 AM

Bahut hee bhavpoorat kavita hai....bahut pasand ayee....hamesha te hor likhde raho.

January 28, 2012 at 5:56 AM

aap ton daad milna mere layi aezaaz te fakhar waali gall hai,surjit sister ji;kujh saal pehlaan aap da kalaam sunan da mauka miliya si,stockton kisi de ghar,je tuhanoon yaad howe
shukriya,bahut bahut;rab aap nu khushiaan bakhshe

Post a Comment

ਸੰਵਾਦ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਦੀ ਕਦੇ ਨਾ ਰੁਕਣ ਵਾਲੀ ਪ੍ਰਕਿਰਿਆ ਹੈ। ਅਸੀ ਸੰਵਾਦ ਸ਼ੁਰੂ ਕਰਨ ਦੀ ਪਹਿਲ ਕਦਮੀ ਕਰ ਦਿੱਤੀ ਹੈ, ਇਸ ਨੂੰ ਜਾਰੀ ਰੱਖਣ ਲਈ ਤੁਸੀ ਆਪਣੇ ਵਿਚਾਰ ਦੇ ਦੋ ਕਦਮ ਸਾਡੇ ਨਾਲ ਤੁਰਦੇ ਜਾਓ...

ਟਿੱਪਣੀ ਕਰਨ ਦਾ ਤਰੀਕਾ
1. ਆਪਣੀ ਟਿੱਪਣੀ ਹੇਠ ਲਿਖੇ ਡੱਬੇ ਵਿਚ ਲਿਖੋ।
2. ਡੱਬੇ ਦੇ ਥੱਲੇ ਦਿੱਤੇ Comment as : Select Profile ਵਾਲੇ ਖਾਨੇ ਵਿਚੋਂ ਆਪਣਾ ਅਕਾਊਂਟ ਚੁੱਣੋ ਜਾਂ ਫ਼ਿਰ Name/URL ਚੁਣੋ।
3. ਜੇ ਤੁਸੀ Name/URL ਚੁਣਿਆ ਹੈ ਤਾਂ Name ਵਾਲੇ ਖਾਨੇ ਵਿਚ ਆਪਣਾ ਨਾਮ ਭਰੋ ਅਤੇ URL ਵਾਲੇ ਖਾਨੇ ਵਿਚ ਆਪਣੀ ਵੈੱਬਸਾਈਟ ਜਾਂ ਈ-ਮੇਲ ਪਤਾ ਭਰੋ (ਜੇ ਵੈੱਬਸਾਈਟ/ਈ-ਮੇਲ ਨਾ ਹੋਵੇ ਤਾਂ ਉਸ ਖਾਨੇ ਨੂੰ ਖਾਲੀ ਛੱਡ ਦੇਵੋ)।
4. ਜੇ ਤੁਸੀ ਬੇਨਾਮੀ ਟਿੱਪਣੀ ਕਰਨਾ ਚਾਹੁੰਦੇ ਹੋ ਤਾਂ Anonymous ਚੁਣੋ
5. ਇਸ ਤੋਂ ਬਾਅਦ Post Comment Button 'ਤੇ ਕਲਿੱਕ ਕਰੋ।

ਨੋਟ: ਜੇ ਤੁਸੀ ਅਕਾਊਂਟ Name/URL ਜਾਂ Anonymous ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਚੁਣਿਆ ਹੈ ਤਾਂ Post Comment Button 'ਤੇ ਕਲਿੱਕ ਕਰਨ ਤੋਂ ਬਾਅਦ ਤੁਹਾਡੇ ਚੁਣੇ ਹੋਏ ਅਕਾਊਂਟ ਦਾ ਲੋਗਿਨ ਪੇਜ਼ ਆ ਜਾਵੇਗਾ। ਉਸ ਵਿਚ ਆਪਣਾ ਯੂਜ਼ਰਨੇਮ/ਪਾਸਵਰਡ ਭਰ ਕੇ ਲੌਗਿਨ ਕਰੋ। ਤੁਹਾਡੀ ਟਿੱਪਣੀ ਦਰਜ ਹੋ ਜਾਵੇਗੀ ਅਤੇ ਤੁਰੰਤ ਸਾਹਮਣੇ ਨਜ਼ਰ ਆ ਜਾਵੇਗੀ।

 
Support : Creating Website | Johny Template | Mas Template
Copyright © 2011. ਲਫ਼ਜ਼ਾਂ ਦਾ ਪੁਲ - All Rights Reserved
Template Created by Creating Website Published by Mas Template
Proudly powered by Blogger