Wednesday, December 30, 2009

ਸੁਰਜੀਤ ਕੌਰ: ਸੋਚਾਂ

SHARE
ਸੁਰਜੀਤ ਕੌਰ, ਹੁਰਾਂ ਨੇ ਦਿੱਲੀ ਤੋਂ ਪੰਜਾਬ ਅਤੇ ਫਿਰ ਟੋਰਾਂਟੋ, ਕੈਨੇਡਾ ਤੱਕ ਦਾ ਸਫ਼ਰ ਕੀਤਾ ਹੈ। ਵਿਦਿਆਰਥੀ ਜੀਵਨ ਤੋਂ ਕਲਾ ਅਤੇ ਸਾਹਿਤ ਅੰਗ-ਸੰਗ ਰਿਹਾ ਹੈ। ਉਨ੍ਹਾਂ ਦੇ ਆਉਣ ਨਾਲ ਲਫ਼ਜ਼ਾਂ ਦਾ ਪੁਲ ਤੇ ਇਕ ਹੋਰ ਥੰਮ ਉਸਰਿਆ ਹੈ, ਜੋ ਇਸ ਪੁਲ ਨੂੰ ਮਜ਼ਬੂਤ ਕਰੇਗਾ।

ਸਖੀ !
ਮੈਂ ਸੋਚਾਂ-
ਆਖਿਰ ਕੀ ਹੁੰਦੀਆਂ ਨੇ ਇਹ ਸੋਚਾਂ !
ਕੀ ਇਹ ਰੰਗ ਬਿਰੰਗੀਆਂ ਤਿਤਲੀਆਂ
ਫ਼ੜਣ ਲਗੋ ਤਾਂ ਹੱਥੋਂ ਖਿਸਕੀਆਂ !
ਜਾਂ ਕੰਬਦੀਆਂ
ਡਰਦੀਆਂ
ਭਜਦੀਆਂ ਲਹਿਰਾਂ
ਕਲ…ਕਲ…
ਕਲ…ਕਲ…
ਸ਼ੋਰ ਮਚਾਉਂਦੀਆਂ
ਫ਼ੜ ਨਾ ਹੁੰਦੀਆਂ
ਪੱਬਾਂ ਹੇਠੋਂ ਖਿਸਕਦੀਆਂ ਜਾਂਦੀਆਂ !
ਸਖੀ ਮੈਂ ਸੋਚਾਂ
ਕੀ ਹੁੰਦੀਆਂ ਨੇ ਇਹ ਸੋਚਾਂ !
ਕੀ ਇਹ
ਮਨ ਦੀ ਕੈਨਵੈਸ ਤੋਂ
ਸੈਨਤਾਂ ਮਾਰਦੀਆਂ
ਸੋਨ ਸੁਨਿਹਰੀ ਕਿਰਨਾਂ
ਇੰਦਰਧਨੁਸ਼ੀ ਰੰਗ ਸਮੇਟੀ
ਅੰਬਰੋਂ ਉਤੇ ਉਡਦੀਆਂ ਜਾਂਦੀਆਂ
ਨਜ਼ਰ ਨਾ ਆਉਂਦੀਆਂ !
ਕੀ ਹੁੰਦੀਆਂ ਨੇ
ਇਹ ਸੋਚਾਂ !
ਸਖੀ !
ਇਹ ਸੋਚਾਂ
ਕਿੰਨੇ ਰੰਗ ਵਟਾਵਣ
ਕਦੇ ਕਦੇ ਕਾਲੀਆਂ ਸਿਆਹ ਹੋ ਜਾਵਣ
ਥਰ ਥਰ……
ਥਰ ਥਰ ਅੰਦਰ ਕੰਬੇ
ਸਰਦਲ ਉਤੇ ਤਾਂਡਵ ਹੋਵੇ
ਸੋਚਾਂ ਦੇ ਪਰਛਾਵੇਂ
ਰੁਦਨ ਦੇ ਬਣੇ ਬਹਾਨੇ !
ਟਲਿਆਂ ਟਲਦੇ ਨਾ
ਵਧਦੇ ਜਾਂਦੇ …
ਵਧਦੇ ਜਾਂਦੇ……
ਸਖੀ ਕੀ ਹੁੰਦੀਆਂ ਨੇ
ਇਹ ਸੋਚਾਂ !
ਕਦੇ ਕਦੇ ਇਹ ਸੋਚਾਂ
ਜਿਵੇਂ ਬੰਜਰ ਧਰਤੀ-
ਕੋਹਾਂ ਮੀਲਾਂ ਤਕ ਪੱਸਰੀ
ਨਾ ਮਹਿਕ ਮਿੱਟੀ ਦੀ ਆਵੇ
ਨਾ ਕੋਈ ਬੀਜ ਬੀਜਿਆ ਜਾਵੇ
ਨਾ ਕੋਈ ਬੂਟਾ ਹੀ ਲਹਿਰਾਵੇ
ਨਾ ਕੋਈ ਫੁਲ ਹੱਸਣ ਆਵੇ
ਕੱਲਰ ਪੁਟਿਆਂ ਕੁਛ ਹੱਥ ਨਾ ਆਵੇ !
ਸਖੀ ਕੀ ਹੁੰਦੀਆਂ ਨੇ
ਇਹ ਸੋਚਾਂ !
ਕੁਛ ਸੋਚਾਂ
ਕਲਸ ਸੋਨੇ ਦਾ
ਮਨੁੱਖ ਦੇ ਮੱਥੇ ਮੁਕਟ ਸੋਨੇ ਦਾ
ਮਨ ਮਸਤਕ ਵਿਚ ਜਦ ਅਲਖ ਜਗਾਵਣ
ਚੰਨ ਤਾਰਿਆਂ ਦੇ ਰਾਹ ਦਿਖਾਵਣ
ਸਰਦਲ ਉਤੇ ਆਈ ਦਿਵਾਲੀ
ਮਨ ਦੇ ਬੂਹੇ ਸ਼ਗਨ ਮਨਾਵਣ
ਜਗਦੀਆਂ ਸੋਚਾਂ
ਜਗ ਜਗਾਵਣ
ਸੋਚਾਂ ਹੀ ਸਾਡਾ ਕਰਮ ਬਣ ਜਾਵਣ !
ਸਖੀ ਮੈਂ ਅਕਸਰ ਸੋਚਾਂ
ਕੀ ਹੁੰਦੀਆਂ ਨੇ ਇਹ ਸੋਚਾਂ !
SHARE

Author: verified_user

3 comments:

  1. bahut khoob..............kya baat hai .........jeo

    ReplyDelete
  2. It is really good job,very good step for spreading the Punjabi Language.we all punjabies with you....Best of luck.....Keep it up...

    ReplyDelete
  3. Jatinder ji, Sartaj ji hosla afzaee laee bahut bahut dhanvaad.

    ReplyDelete

ਸੰਵਾਦ ਵਿਚਾਰਾਂ ਦੇ ਆਦਾਨ-ਪ੍ਰਦਾਨ ਦੀ ਕਦੇ ਨਾ ਰੁਕਣ ਵਾਲੀ ਪ੍ਰਕਿਰਿਆ ਹੈ। ਅਸੀ ਸੰਵਾਦ ਸ਼ੁਰੂ ਕਰਨ ਦੀ ਪਹਿਲ ਕਦਮੀ ਕਰ ਦਿੱਤੀ ਹੈ, ਇਸ ਨੂੰ ਜਾਰੀ ਰੱਖਣ ਲਈ ਤੁਸੀ ਆਪਣੇ ਵਿਚਾਰ ਦੇ ਦੋ ਕਦਮ ਸਾਡੇ ਨਾਲ ਤੁਰਦੇ ਜਾਓ...

ਟਿੱਪਣੀ ਕਰਨ ਦਾ ਤਰੀਕਾ
1. ਆਪਣੀ ਟਿੱਪਣੀ ਹੇਠ ਲਿਖੇ ਡੱਬੇ ਵਿਚ ਲਿਖੋ।
2. ਡੱਬੇ ਦੇ ਥੱਲੇ ਦਿੱਤੇ Comment as : Select Profile ਵਾਲੇ ਖਾਨੇ ਵਿਚੋਂ ਆਪਣਾ ਅਕਾਊਂਟ ਚੁੱਣੋ ਜਾਂ ਫ਼ਿਰ Name/URL ਚੁਣੋ।
3. ਜੇ ਤੁਸੀ Name/URL ਚੁਣਿਆ ਹੈ ਤਾਂ Name ਵਾਲੇ ਖਾਨੇ ਵਿਚ ਆਪਣਾ ਨਾਮ ਭਰੋ ਅਤੇ URL ਵਾਲੇ ਖਾਨੇ ਵਿਚ ਆਪਣੀ ਵੈੱਬਸਾਈਟ ਜਾਂ ਈ-ਮੇਲ ਪਤਾ ਭਰੋ (ਜੇ ਵੈੱਬਸਾਈਟ/ਈ-ਮੇਲ ਨਾ ਹੋਵੇ ਤਾਂ ਉਸ ਖਾਨੇ ਨੂੰ ਖਾਲੀ ਛੱਡ ਦੇਵੋ)।
4. ਜੇ ਤੁਸੀ ਬੇਨਾਮੀ ਟਿੱਪਣੀ ਕਰਨਾ ਚਾਹੁੰਦੇ ਹੋ ਤਾਂ Anonymous ਚੁਣੋ
5. ਇਸ ਤੋਂ ਬਾਅਦ Post Comment Button 'ਤੇ ਕਲਿੱਕ ਕਰੋ।

ਨੋਟ: ਜੇ ਤੁਸੀ ਅਕਾਊਂਟ Name/URL ਜਾਂ Anonymous ਤੋਂ ਇਲਾਵਾ ਕੋਈ ਹੋਰ ਵਿਕਲਪ ਚੁਣਿਆ ਹੈ ਤਾਂ Post Comment Button 'ਤੇ ਕਲਿੱਕ ਕਰਨ ਤੋਂ ਬਾਅਦ ਤੁਹਾਡੇ ਚੁਣੇ ਹੋਏ ਅਕਾਊਂਟ ਦਾ ਲੋਗਿਨ ਪੇਜ਼ ਆ ਜਾਵੇਗਾ। ਉਸ ਵਿਚ ਆਪਣਾ ਯੂਜ਼ਰਨੇਮ/ਪਾਸਵਰਡ ਭਰ ਕੇ ਲੌਗਿਨ ਕਰੋ। ਤੁਹਾਡੀ ਟਿੱਪਣੀ ਦਰਜ ਹੋ ਜਾਵੇਗੀ ਅਤੇ ਤੁਰੰਤ ਸਾਹਮਣੇ ਨਜ਼ਰ ਆ ਜਾਵੇਗੀ।

ਪੰਜਾਬੀ ਬਲੌਗ ਅਪਡੇਟ

ਪਿਛਲੇ 24 ਘੰਟਿਆਂ ਵਿਚ ਪੰਜਾਬੀ ਬਲੌਗਾਂ ਤੇ ਲਿਖੀਆਂ ਗਈਆਂ ਰਚਨਾਵਾਂ ...ਹੋਰ ਪੰਜਾਬੀ ਬਲੌਗ ਦੇਖਣ ਲਈ ਇੱਥੇ ਕਲਿੱਕ ਕਰੋ
ਜੇਕਰ ਤੁਸੀ ਵੀ ਆਪਣਾ ਬਲੋਗ ਜਾਂ ਵੈੱਬਸਾਈਟ ਲਫ਼ਜ਼ਾਂ ਦਾ ਪੁਲ ਨਾਲ ਜੋੜਨਾ ਚਾਹੁੰਦੇ ਹੋ ਤਾਂ ਉਸਦਾ ਲਿੰਕ ਸਾਨੂੰ ਭੇਜੋ।